Welkom by Menorah Tabernakel 

Menorah Tabernakel glo in die TOTALE Woord van ELOHIM  – vanaf Génesis tot Openbaring. Ons glo die HELE Bybel is die waarheid en dat die HELE Bybel is van toepassing op elkeen van ons.
 
Ons glo met ons hele hart en wese dat YAH’shua YHWH is en mens geword het.  Hy het op hierdie aarde kom loop, vlees geword en tussen ons kom wandel. Hy het ons kom leer wat dit is om gehoorsaamheid te wees in die instruksies en verordening.  Hy is ‘n lopende getuie van die Torah, die Woord van Skepper Lewende God. Hy is die perfekte Sondoffer en het die prys betaal vir elke mens wat geskape is. Hy is begrawe en het OPGESTAAN uit die dood as die EERSTE VRUG. Hy het opgevaar en IS die Regterhand van YHWH en Hy gaan weer terugkom om Sy bruid te kom haal.
 
Ons is 'n Messiaanse Pinkster Bediening en onderhou die 7 Feeste van YHWH. Ons erken en heilig die 7de dag, die Shabbat.  Ons glo dit is Abba Vader se vasgestelde tye. Ons is geroep om die weg gelyk te maak soos Johannes die doper in Jesaja 40:3 ('n Stem van een wat roep:  Berei in die woestyn die weg van YHWH; maak gelyk in die wildernis 'n grootpad vir onse ELOHIM!). Ons wil mense help om te groei in volwassenheid en om bruid te word.
 
Missie
Om die wil van YHWH te doen.
Om mense met Vader te versoen deur YAH'shua HaMashiach (Jesus Christus)
Mense in volwassenheid te bring met Messias YAH'shua (Christus Jesus)
Mense voor te berei vir die wederkoms van Yah'shua HaMashiach..
Om 'n lewende getuie te wees op aarde en om YHWH daardeur te behaag en te verheerlik.
 
Sagaría 4:6 Toe antwoord Hy en sê vir my: Dit is die woord van die YHWH aan Serubbábel, naamlik: Nie deur krag of deur geweld nie, maar deur My Gees, sê YHWH van die leërskare.

Ons Pastore 

Pastoor Frik en Amelia Weideman
Dit is vir ons 'n eer om instrumente te wees in die Koninkryk van YHWH ons ELOHIM, daarom is dit ons passie om dit wat Vader ons voor geroep het, te voltooi met eerbied en waardigheid, en daardeur Sy naam te verhoog.

Ons begeerte is om ons roeping te voltooi, mense te help om te streef na heiligmaking en hul te leer om die outoriteit wat ons as mens ontvang het op te neem en te heers soos dit YHWH se wil is en Hom behaag.

​Ons vind vreugde in mense en ons koester oomblike met familie en om sterk familie bande te bou.​​
Pastoor Riaan en Heleen Abrie
Ons ag dit as die hoogste eer om geroep te word vir die bediening en om dienaars en aarbeiders te wees in die Koninkryk ​van die Almagtige Vader. Vir baie jare het ons die dringendheid van Vader se roeping op ons lewens ervaar en HY het ons op 'n ongelooflike reis van voorbereiding gevat tot waar ons vandag is. Ons verstaan die groeiende nood reg rondom ons vir bevryding, vryheid, vrede en waarheid en ons tree met graagte in, as nederige dienaars van Abba Vader, gewillig om die wêreld te verander om YAH’shua ons Messias
​te verheerlik. 

​Net soos Aquila en Pricilla die weg van YAH'shua gevolg het (Hand 18:26) is ons bediening om te onderrig, volgelinge van YAH'shua te maak en hulle so in volwassenheid tot die Vader te help. Ons passie is om mense te sien vrykom van slawerny en in te beweeg in volwassenheid in ons Messias en 'n lewe van oorvloed soos belowe in die Woord (Joh 10:10) te lewe. Verder is ons passie om Vader se kudde op te pas  volgens Esegiel 34 en dat ons as 'n aanvaarbare lewende offer in SY oë gevind sal word​​

Ons Wêreldwye Aanlyn Familie

Dit is ons voorreg om mense reg oor die wêreld te kan bedien in Afrikaans. 

Jy kan ook deel word van ons aanlyn familie...

Volg die skakels onder om op die verskeie platvorms te kom
© MENORAH TABERNAKEL SUID AFRIKA 2022 © MENORAH TABERNAKEL SUID AFRIKA 2022